OH MON DIEU! ♥

Sa mga social networking sites, napakadaling i-post ng nararamdaman o saloobin mo. Isang tweet mo lang, nandun na agad yung naiisip mo. Kaya para sakin, di gaanong big deal ang tweets. Oo, may mga pagkakataon na malaman at akala mo kung saang hukay nakuha ang nilalaman ng isang tweet. Pero para sa akin? Hindi laging ganun.

Dahil nga madaling magpost o magtweet, naginging random na lang ang mga naisusulat o nailalagay ko dun. Sa sobrang random, nasabihan na ako ng isang kaibigan na, “Sus, puro ka random”. Sang-ayon naman ako sa kanya dahil totoo talaga yun.

Ang panahon natin ngayon ay di tulad ng dati na kapag may gusto kang sabihin, tatawagan at kakausapin mo ang isang kaibigan upang isa isang sabihin ang iyong nararamdam o naiisip. Ngayon? Hindi na ganun. Madalas na lang natin idaan sa tweet, status o post ang mga ito.

Sa aking opinyon, ang nagiging resulta nito ay palaisipan sa bawat isa sa atin. Dahil madalas, hindi naman natin nilalagay kung sino ang ating tinutukoy sa tweet, status at post. Ang mga taong makakabasa nito ay mayroong kanya kanyang interpretasyon at paliwanag batay na din sa kanilang sari-sariling kaalaman.

Isa ako sa mga taong ganun. Oo, isa ako sa mga taong kadalasang hindi nagbabanggit ng pangalan sa isang tweet, status o post. Ang aking dahilan? Dahil madalas, random ko lang naiisip ang mga nilalagay ko duon at dito. May mga pagkakataong mayroon talaga akong tinutukoy na tao, ngunit mas madalas na wala. Ganito ang nangyayari (base sa akin ha):

• Akala mo si (insert a guy name here) ang tinutukoy ko.
• Akala mo si (insert a girl name here) ang tinutuloy ko.
• Akala mo HS friend ko ang tinutukoy ko.
• Akaka mo college friend ko ang tinutukoy ko.
• Akala mo kapamilya ko ang tinutukoy ko.
• Akala mo si (insert a someone special name here) ang tinutukoy ko.
• Akala mo si (insert someone from past name here) ang tinutukoy ko.
• Akala mo yung pag-ibig ko ang tinutukoy ko.
• Akala mo yung kaibigan ko ang tinutukoy ko.
• Akala mo sya ang tinutukoy ko.
• Akala mo ikaw ang tinutukoy ko.
• Akala mo hindi ikaw ang tinutukoy ko.
• Akala mo kilala mo ang tinutukoy ko.
• Akala mo hindi mo kilala ang tinutukoy ko.

Ganyan kadami ang pwedeng matukoy sa isang tweet, status o post. At gusto kong humingi ng pasensya dahil tulad ng sinabi ko kanina, hindi ako nagbabanggit ng pangalan at yun ang nagiging dahilan upang maisip ng kakilala ko ang mga sinulat ko sa itaas.

Kung kaibigan man kita o kakilala at mabasa mo ‘to, nais kong malaman na wag ka nang mag-isip ng kung ano pa man. Sasabihin ko naman din sayo kung sino o kahit ano man ang tinutukoy ko, para hindi ka na mag-akala. Okay na yung mabasa mo, hayaan mo na lang. Marahil may dahilan ako kung bakit hindi ko inilagay, o marahil random lang talaga ang tweet, status o post ko. Muli, pasensya na.